Toshkentda sodir bo‘lgan YTHda 18 yoshli haydovchi vafot etdi

Ko‘kcha darvoza ko‘chasida BYD va Equinox to‘qnashdi. Hodisa oqibatida Equinox haydovchisi shifoxonada vafot etgan.

Foto: Videodan kadr

11 dekabr kuni Toshkent shahar Shayxontohur tumani Ko‘kcha darvoza ko‘chasi, Suzuk ota mahalla arkasi qarshisida soat 20:20 larda YTH sodir bo‘ldi.

Toshkent shahar IIBB YHXB xabar berishicha, 1988 yilda tug‘ilgan haydovchi R.K. boshqaruvidagi BYD va 2006 yilda tug‘ilgan A.X. boshqaruvidagi Equinox to‘qnashgan.

Hodisa oqibatida Equinox haydovchisi shifoxonada vafot etgan.

Mazkur holat yuzasidan Toshkent shahar IIBB Tergov boshqarmasi tomonidan Jinoyat kodeksining 266-moddasi 2-qismi (transportni ta’mirlash yoki uni foydalanishga chiqarish qoidalarini buzish odam o‘lishiga sabab bo‘lsa) bilan jinoyat ishi qo‘zg‘atilib, dastlabki tergov harakatlari olib borilmoqda.