Damashq aeroporti xalqaro reyslarni tikladi

Suriya poytaxti Damashqdagi aeroport, Baas partiyasi rejimi ag‘darilganidan keyin birinchi marta xalqaro qatnovlarni tikladi, deb xabar berdi Anadolu.

7 yanvar kuni ertalab Syrian Air samolyoti Birlashgan Arab Amirliklarining Sharja shahriga uchdi.

Damashq aeroporti direktori Enis Falluh so‘zlariga ko‘ra, Qatar Airways ham bugun Doha-Damashq reysini amalga oshiradi. Uning ta’kidlashicha, hozir aeroportda 140-150 nafar yo‘lovchi bor. Uning qo‘shimcha qilishicha, ko‘plab aviakompaniyalar Damashq aeroportidan foydalanish bo‘yicha yangi shartnomalar tuzish istagini bildirgan.

Damashq xalqaro aeroporti 18 dekabr kuni ichki parvozlarni qayta tiklagan edi. Shunda Damashq – Halab yo‘nalishi bo‘yicha parvoz amalga oshirildi. Bu Bashar Asad rejimi ag‘darilgan 8 dekabrdan beri birinchi reys bo‘ldi.