O‘zbekistonda qidiruvda bo‘lgan Turkiya fuqarolari Qozog‘istonda qo‘lga olindi

Qayd qilinishicha, ular Toshkentda niqob kiyib, birovning mashinasini olib qochmoqchi bo‘lgan.

Foto: Timur Batyrshin

Qozog‘istonning Chimkent va Atirau aeroportlarida kriminal politsiya xodimlari O‘zbekistonda o‘g‘rilik sodir etishga uringani uchun qidiruvda bo‘lgan Turkiyaning uch nafar fuqarosini qo‘lga oldi.

Qayd qilinishicha, ular Toshkentda niqob kiyib, birovning mashinasini olib qochmoqchi bo‘lgan. Biroq jabrlanuvchilarning faol qarshiligi tufayli jinoiy rejasini yakunlay olmagan. Keyinchalik ular voqea joyini tezda tark etgan.

Qidiruvga berilishdan oldin ulardan ikki nafari Atirau viloyatiga qochgan. Uchinchisi Qozog‘iston janubiga yo‘l olgan.

«Olib borilgan tezkor chora-tadbirlar natijasida jinoyatni sodir etgan har uch nafar shaxs ushlanib, vaqtinchalik saqlash hibsxonasiga joylashtirildi», deyiladi xabarda.

#Turkiya #Qozog‘iston #jinoyatchilik