O‘zbekiston va Malayziya mikroelektronika yo‘nalishida mutaxassislar tayyorlaydi

Shuningdek, muzokaralarda USM qoshidagi Elektrotexnika va elektronika muhandisligi maktabi, Material va mineral resurslar muhandisligi maktabi, Mikroelektronika loyihalashtirish bo‘yicha ilg‘or tajriba markazi vakillari qatnashdi.

Unda Mikroelektronika va yarimo‘tkazgich texnologiyalari yo‘nalishlarida mutaxassislar tayyorlash, malaka oshirish, ilmiy-tadqiqot va ishlab chiqarish amaliyotini tashkil qilish imkoniyatlari, USM bilan qo‘shma fakultet ta’sis etish va dual ta’lim dasturini yo‘lga qo‘yish istiqbollari muhokama qilindi.

Muzokaralar natijasida talabalar almashinuvini yo‘lga qo‘yish, O‘zbekiston vakillari uchun o‘quv kurslari, tajriba almashish va stajirovkalar tashkil qilish, qo‘shma ta’lim dasturini yo‘lga qo‘yish, o‘zaro tashriflarni uyushtirish bo‘yicha kelishuvlarga erishildi.

USM 1969 yilda tashkil etilgan. Malayziyada va mintaqada yarimo‘tkazgich sanoati uchun mutaxassislar tayyorlovchi yetakchi universitet hisoblanadi. Universitet QS World Rankings xalqaro reytingida 146-o‘rin qayd etilgan.