Rossiyalik mashhur jurnalist Yangi yilni Damashqda kutib oldi

Rossiyalik mashhur jurnalist Maksim Shevchenko Yangi yilni Suriyada kutib oldi. Yangi yil kechasi u yerda o‘zi tomonidan olingan videolavhani Shevchenko Facebook ijtimoiy tarmog‘idagi sahifasiga joylashtirdi.

“Men mashhur Hamidiya bozorida ketmoqdaman, - deydi jurnalist videokameraga qarab. – Orqamda Ummaviylar masjidi, oldimda Damashq turibdi”.
“Yangi yil bilan, aziz do‘stlar, - so‘zida davom etdi u. – Men bu yerga, jang qilayotgan, fuqarolik urushida tilka-pora qilinayotgan Suriyaga Yangi yilni kutishga keldim, chunki bugun bu yer jahon tarixining asosiy markazidir”.

Shevchenkoning ta'kidlashicha, shahar ko‘chalarida otishmalar eshitilib turgan, shunga qaramay, odamlar Yangi yilni nishonlashda davom etgan.