Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • Jamiyat | 20:50 / 27.03.2016
    2544
    2 daqiqa o‘qiladi

    Aktyor Hyu Jyekman Sidneydagi plyajda odamlarni cho‘kib ketishdan asrab qoldi

    Avstraliyalik aktyor Hyu Jyekman Sidneydagi plyajda bo‘ron boshlangach, o‘z o‘g‘li va boshqa dam oluvchilarni cho‘kib ketishdan qutqarib qoldi. Bu haqda Guardian xabar bergan.

    Aktyor va uning o‘g‘li bo‘ron boshlanishi arafasida suvda bo‘lishgan. Avvaliga u kichik qizchani to‘lqindan to‘sgan. Keyin keksa kishining qirg‘oqqa chiqib olishida ko‘maklashgan. Shundan so‘ng u o‘zining 15 yoshli o‘g‘li Oskarni qirg‘oqqa chiqarib qo‘ygan.

    "Biz suvda 20 daqiqa davomida suzib yurgandik, lekin hech qanday xavf sezmagandik. Shunda birdan ulkan to‘lqinlar yopirilib kela boshladi. Hyu xotirjamlikni yo‘qotmagan holda odamlarga qirg‘oqqa chiqishda yordam bera boshladi", deya guvohlarning so‘zlaridan iqtibos keltiradi Guardian nashri.

    Bu hodisadan keyin plyaj yopib qo‘yilgan.

    Hyu Jyekman "Lyudi X" kinokomikslaridagi ishtiroki orqali tanilgan. Uning filmlari orasida "Van Xelsing", "Avstraliya", "Po‘lat bo‘lish", "Quvg‘indi" kabi nomlar bor.