Ravon'ning biryo‘la uch modeli Rossiyadagi eng hamyonbop avtomobillar reytingidan joy oldi

Ekspertlar Rossiyadagi arzon avtomobillar bozorini tahlil qilib, rossiyalik avtomobil ishqibozlari uchun eng hamyonbop mashinalar ro‘yxatini tuzib chiqdi. Mazkur ro‘yxatga narxi 600 ming rubldan baland bo‘lmagan 8 model nomi kiritildi. Bu haqida Rossiya OAVda xabar berilgan. 

Ravon Matiz avtomobili reyting yetakchisiga aylandi. Uning Rossiya bozoridagi bahosi 314-414 ming rubl atrofida. Tahlilchilarning baholariga ko‘ra, reytingdagi ikkinchi o‘rin LADA Granta avtomobiliga nasib etdi, uning narxi taxminan 369-471 ming rublni tashkil qiladi. 

Uchlikdan keyingi o‘rinda Ravon Nexia sedan qayd etilgan. Rossiyada bu model taxminan 379 – 529 ming rublga teng. Yetakchilar beshligiga Ravon R2 modeli yakun yasaydi. Uning qiymati - taxminan 389-489 ming rubl. Shuningdek byudjyet avtomobillar reytingiga Chery Bonus (390 – 420 ming rubl), LADA Kalina (395,5 – 559 ming rubl) va Chery Very (400 – 430 ming rubl) kabi avtomobillar kiritildi.