Suv toshqinlaridan aziyat chekkan shtatlarga borgan Obama tanqid qilindi
AQSh prezidenti Barak Obama kuchli suv toshqinlaridan aziyat chekkan Luiziana shtatiga safari doirasida Amerikaning Baton-Ruj shahriga tashrif buyurdi, deb yozmoqda USA Today.
Shunga qaramay, Obama safarini kechiktirgani uchun tanqidga uchragan. Prezident tabiiy ofat oqibatlarini bartaraf etishda mahalliy hokimiyat amalga oshirgan choralarni e'tirof etib, tiklash ishlari bir necha oyga cho‘zilishini ta'kidlagan.
Obamaning qayd etishicha, suv toshqini haqidagi xabarlar bir yoqlama va fotoreportajlar uchun sabab bo‘lmasligi lozim. U, shuningdek, barcha amerikaliklarni Luizianadagi vaziyatni kuzatib turishga chaqirgan.
Aytish joiki, Barak Obamaning tashrifi, respublikachilar partiyasi nomzodi Donald Trampning tashrifidan so‘ng, to‘rt kun o‘tgach amalga oshirildi. Shu munosabat bilan, respublikachilar nomzodi prezidentni tanqid qilish uchun qulay fursatni boy bermay, Obama ta'tilini bekor qilib, golf o‘ynash o‘rniga Luizianaga kelishi lozim edi, degan fikrni ilgari surdi.
Avvalroq, yuz mingdan ortiq amerikalik suv toshqinlari tufayli hukumatdan yordam so‘ragani xabar qilingan edi.
Mavzuga oid
19:45 / 29.09.2024
Nepalda so‘nggi 50 yillikdagi eng kuchli yomg‘irlar kuzatilmoqda - fotosuratlar
21:11 / 17.09.2024
“Ko‘p narsa moliyalashtirishga bog‘liq” - Toshkentni toshqinlardan qutqarish rejasi tayyorlanmoqda
15:07 / 04.09.2024
Shimoliy Koreyada suv toshqinlarini bartaraf etolmagani uchun 30 nafar mas’ul amaldor qatl etildi – OAV
13:18 / 16.06.2024