Surxondaryo viloyatida Mustaqilligimizning 25 yilligiga bag‘ishlangan bayram tadbirlari bo‘lib o‘tmoqda

.O‘zbekiston Respublikasi Mustaqilligining 25 yilligi munosabati bilan yurtimizning barcha go‘shalarida turli bayram tadbirlari bo‘lib o‘tmoqda

Nihol mukofoti sovrindorlari Adham Soliyev, Doston Ubaydullayev, estrada xonandasi Akbar Atamuhammedovlar O‘zbeknavo va Respublika Ma'naviyat targ‘ibot Markazi tashabbusi bilan shu kunlarda Surxondaryo viloyatidagi bir qator bayram tadbirlarida ishtirok etib, xalqimizga xursandchilik ulashishmoqda.

Surxondaryo viloyati Termiz shahrida joylashgan 12-sonli Mehribonlik uyi tarbiyalanuvchilari, shuningdek Denov va Sho‘rchi tumanlari aholisi ushbu bayram tadbirlaridan bir olam quvonch olishmoqda. Bunday tadbirlarning "Sog‘lom ona va bola" yilida o‘tkazilishi alohida diqqatga sazovordir, zero insonlarga yaxshi kayfiyat ulashish, ularning ko‘nglini ko‘tarish kabi ezgu amallar sog‘liqqa  ijobiy ta'sir ko‘rsatadi. 

Eslatib o‘tamiz, kuni kecha Prezidentimiz farmoni bilan “O‘zbeknavo” estrada birlashmasi xonandasi Akbar Atamuhamedov "Shuhrat" medali bilan mukofotlandi. Xonandani ushbu yuksak mukofot bilan qutlab, ana shunday ezgu amallari bardavom bo‘lishini tilab qolamiz.