Tataristonda Berdiyevni tanqid qilgan jurnalistning avtomobili yoqib yuborildi

«Rostov» jamoasi bosh murabbiyi Qurbon Berdiyev haqidagi tanqidiy maqolalari bilan mashhur bo‘lgan Qozon shahridagi «Biznes Online» gazetasi bosh muharriri Ayrat Shamilovning avtomobiliga tunda noma'lum kimsalar tomonidan o‘t qo‘yilgan.

Shamilov «Biznes Online» sahifasida bir necha marotaba Qurbon Berdiyevni tanqid ostiga olgan. Uning ishi, sarflab yuborgan mablag‘lari va boshqa kamchiliklarini yoritib kelgandi.

Jurnalistning aytishicha, unga keyingi 3 oy davomida turli tahdidlar bildirilib kelinayotgandi.

"Tungi soat 2:30da signalizatsiya ishlab ketdi. Chiqqanimda mashina yonayotgandi", degan u.