Moskvada avtobus haydovchilari boshqara oladigan svetofor paydo bo‘ladi

Moskvada avtobus haydovchilari boshqara oladigan svetofor paydo bo‘ladi. Bu haqda 26 avgustda "Tsentr organizatsii dorojnogo dvijyeniya" tashkiloti rahbari o‘rinbosari Artur Shaxbazyan ma'lum qildi. 

Shaxbazyanning aytishicha, yangi svetofor 28 avgustdan boshlab ishlaydi. "Endi avtomobillar tunnel ortidan o‘tib, Znamenka ko‘chasi boshida Gogol xiyoboniga chiqadilar", deb aytdi Shaxbazyan. Uning tushuntirishicha, bu burilishda avtobus haydovchilari pult yordamida boshqaradigan svetofor o‘rnatilgan.

Bu burilishga faqatgina bir yo‘nalishdagi avtobuslar kira oladi.

Shaxbazyanning ta'kidlashicha, yangi svetofor joriy yil natijalariga ko‘ra "Moya ulitsa" dasturiga muvofiq burilish harakatini tashkillashtirish sohasidagi yagona o‘zgartirish bo‘ladi.