Anqara Suriya kurdlariga ultimatum qo‘ydi
Suriya kurdlari Frot daryosining sharqiy sohillaridan chekinmasa, Turkiya harbiylarining nishoniga aylanadi. Bu haqda Turkiya TIV rahbari Mavlud Chovusho‘g‘li ma'lum qilgan.
U Anqarada bo‘lib o‘tgan matbuot anjumani vaqtida Turkiyaning Suriya shimolidagi Jarablus hududida o‘tkazayotgan harbiy amaliyotdan asosiy maqsadi IShID jangarilarni yo‘q qilish ekanini ta'kidlagan.
"Frot qalqoni" amaliyotidan maqsad Jarablus va Afrinni IShID jangarilaridan tozalashdir. U yer biz tomonimizdan qo‘llab-quvvatlanayotgan arablarga tegishli. Ularga o‘z vatanlarini qaytarib berish kerak. Shuning uchun, kurdlarni bu amaliyot xavotirga solmoqda. Suriya xalq armiyasi Frotning sharqiy qirg‘og‘idan ketishi kerak. Ular AQShga shunday va'da qilishgandi. Agar ular so‘zlarida turishmasa, biz ularni nishonga olamiz", deya vazirning so‘zlarini keltiradi TASS.
Bundan oldinroq, kurdlar Turkiya artilleriyasi va Turkiya HHK samolyotlari Halab shimolidagi Jarablus shahri atrofidagi qishloqlarga zarbalar yo‘llagani haqida ma'lum qilgandi. Ular bu hujumlar oqibatida tinch aholi vakillari halok bo‘lishgani haqida bildirishgan. O‘z navbatida rasmiy Anqara tinch aholi vakillariga hujum qilingani haqidagi xabarlarni inkor etgan.
Mavzuga oid
11:20 / 26.05.2024
Anqarada «Asrlar ta’mlari uchrashuvi: Yetti mintaqada turk oshxonasi» ko‘rgazmasi ochildi - fotolar
19:30 / 04.10.2023
Anqaradagi teraktga aloqador terrorchilarning shaxsi aniqlandi
08:24 / 02.10.2023
KIP Anqaradagi portlash uchun javobgarlikni o‘z zimmasiga oldi
14:03 / 01.10.2023