AIBA Olimpiadadagi e'tirozlardan keyin hakamlik tizimini isloh qiladi

Xalqaro havaskor bokschilar uyushmasi (AIBA) Rio-de-Janeyro Olimpiadasidagi e'tirozlar tufayli hakamlik tizimida islohotlar o‘tkazadi. Bu haqda TASS agentligi tashkilot rahbari Ching-Kuo Vuga asoslanib xabar qilgan.

Bundan oldinroq AIBA ijroiya qo‘mitasi Rio Olimpiadasi yakunlariga ko‘ra bildirilgan e'tirozlarni ko‘rib chiqish bo‘yicha shoshilinch yig‘ilish o‘tkazgandi. Turnir davomida bir necha bahslardagi hakamlar adolatsizlikda ayblangandi.

"AIBA yangi "yo‘l xaritasi"ga ko‘ra hakamlik tizimida islohotlar o‘tkaziladi. Xususan, turnirlar davridagi hakamlik optimallashtiriladi, shuningdek, hakamlarning tayinlanish jarayoni o‘zgartiriladi", degan tashkilot rahbari.