Oliy harbiy ta'lim muassasalariga o‘qishga qabul qilish tartibi to‘g‘risidagi nizomga o‘zgartirishlar va qo‘shimchalar kiritiladi

O‘zbekiston Respublikasi Ichki ishlar vazirligining oliy harbiy ta'lim muassasalariga o‘qishga qabul qilish tartibi to‘g‘risidagi nizomga o‘zgartirishlar va qo‘shimchalar kiritish haqida vazir A.Ahmedbayevning buyrug‘i e'lon qilindi. 

O‘zbekiston Respublikasi Vazirlar Mahkamasining 2016 yil 16 iyundagi 209-son «Oliy ta'lim muassasalariga kirish test sinovlariga tayyorgarlik jarayoni optimallashtirilishi munosabati bilan O‘zbekiston Respublikasi Hukumatining ayrim qarorlariga o‘zgartirishlar kiritish to‘g‘risida»gi qaroriga muvofiq buyuraman:

1. O‘zbekiston Respublikasi ichki ishlar vazirining 2015 yil 3 fevraldagi 19-son buyrug‘i (ro‘yxat raqami 2654, 2015 yil 9 fevral) (O‘zbekiston Respublikasi qonun hujjatlari to‘plami, 2015 y., 6-son, 71-modda) bilan tasdiqlangan O‘zbekiston Respublikasi Ichki ishlar vazirligining oliy harbiy ta'lim muassasalariga o‘qishga qabul qilish tartibi to‘g‘risidagi nizomga ilovaga muvofiq o‘zgartirishlar va qo‘shimcha kiritilsin.

2. Mazkur buyruq 2017 yil 1 yanvardan kuchga kiradi.