Parijda qochqinlar uchun birinchi lager ochiladi

Parijda joriy yilning oktabri o‘rtalarida qochqinlar uchun birinchi lager ochiladi. Bu haqda shahar meri Ann Idalgo ma'lum qildi, deb xabar bermoqda The Independent.

Merning aytishicha, qochqinlar bu lagerda "5 kundan 10 kungacha qolishlari" mumkin bo‘ladi. Ular bu vaqt ichida tibbiy va psixologik yordam olish imkoniga ega bo‘ladilar.

Ta'kidlanishicha, ayollar va bolalar hamda erkaklar uchun alohida ikkita korpus quriladi. Erkaklar korpusi Parijning shimolidagi eski temir yo‘l stansiyasida joylashtiriladi, ayollar korpusi esa Ivri-syur-Sen shahrida ochiladi.