Fransiyadagi kanatda 100dan ortiq kishi tun bo‘yi qolib ketdi

Fransiyada dengiz sathidan 3 ming metrdan ortiq balandlikdagi dor yo‘lida ko‘plab odamlar ertalabgacha qolib ketdi. Bu haqida TJ xabar berdi. 

8 sentabr mahalliy vaqt bilan soat 17:30da texnik sabablarga ko‘ra, Monblan tog‘ hududidagi Panoramic Mont Blanc dor yo‘li harakati to‘xtab qoldi. 

65 kishi vertolyotlar yordamida evakuatsiya qilindi, biroq ob-havo sharoiti tufayli qutqaruv operatsiyasini to‘xtatib turishga to‘g‘ri keldi. Qutqaruvchilar dor yo‘lidagi kabinkalarda qolib ketgan odamlarga adyol va yeguliklar yetkazib berishdi.