Reyunon orolida Piton-de-lya-Furnez vulqoni otila boshladi

11 sentabr kuni tongida Fransiya tarkibidagi Reyunon oroli hududida Piton-de-lya-Furnez vulqoni faollashdi. Bu haqda Le Parisien xabar berdi.

Vulqonning hozirgi holati aholi uchun xavfli emasligi aytilgan. Qayd etilishicha, orol janubi-sharqida uyg‘ongan ushbu vulqon atrofida aholi punktlari joylashmagan.

Xabarda aytilishicha, bu hodisa haqidagi xabarlardan keyin Reyunon minglab sayyohlarni o‘ziga jalb etgan. Qiziquvchilar lavaning vulqon og‘zidan chiqib kelishini tomosha qilishga oshiqmoqda.