O‘zbekiston Respublikasi Prezidentligi saylovida ishtirok etadigan barcha nomzodlar ma'lum bo‘ldi

2016 yilning 4 dekabr sanasida o‘tkaziladigan O‘zbekiston Respublikasi Prezidentligi uchun bo‘ladigan saylovda ishtirok etadigan nomzodlar nomi ma'lum bo‘ldi.

Unga ko‘ra:
1. O‘zbekiston liberal-demokratik partiyasidan - Shavkat Mirziyoyev;
2. O‘zbekiston xalq demokratik partiyasidan – Hotamjon Ketmonov;
3. “Adolat” sotsial-demokratik partiyasidan – Narimon Umarov;
4. “Milliy tiklanish” demokratik partiyasidan  - Sarvar Otamurodov
O‘zbekiston Respublikasi Prezidentligiga o‘z nomzodini ilgari surgan. 

Eslatib o‘tamiz: bundan avvalroq “O‘zbekiston Respublikasi Prezidenti saylovi to‘g‘risida”gi O‘zbekiston Respublikasi Qonunining 9, 14-moddalariga muvofiq O‘zbekiston Respublikasi Markaziy saylov komissiyasi qaror qabul qilgan edi. Shuningdek, Markaziy saylov komissiyasi O‘zbekiston respublikasi prezidenti saylovini yoritish bo‘yicha respublika matbuot markazini tuzish haqida qaror qabul qilgan.