Rossiyalik xonanda Valeriy Meladzening ijrosi internetda hazil-mutoyibaga sabab bo‘ldi

Rossiyalik xonanda Valeriy Meladzening Sochidagi "Novaya volna" festivalining yopilishidagi chiqishi internetda hazil-mutoyibaga sabab bo‘ldi. Bunga taniqli xonandaning qo‘shiq ijro etayotganda fonogrammaga tusha olmagani sabab bo‘lgan. San'atdagi bahsli yutuqlar uchun beriladigan "Serebryanaya kalosha" (Kumush kalish) mukofoti tashkilotchilari buni sezib, ushbu holat tasvirlangan videoni feysbukda chop etishdi.

Festivalning final konsertida sahnaga bir necha rossiyalik artistlar chiqib, "Uxodit prazdnik" qo‘shig‘ini ijro qila boshlashgan. Meladze Igor Krutoy va Nikolay Baskovdan keyin o‘z qismini ijro qilishi kerak bo‘lgan, biroq u fonogrammaga tusha olmay, o‘z ijrosini biroz kechikib boshlagan. 

Festival 3-9 sentabr kunlari Sochida bo‘lib o‘tgan.