Tojikiston elchisi: Ishonchimiz komilki, O‘zbekistonda doimo tinchlik va barqarorlik hukm suradi

Tojikiston O‘zbekiston bilan har tomonlama aloqalarini rivojlantirishga sodiqligicha qoladi. Bu haqida Tojikistonning Mustaqillik kuni munosabati bilan 19 sentabr kuni Toshkentda bo‘lib o‘tgan  tadbirda shu mamlakat elchisi Sodiq Imomning so‘zlariga asoslanib, Gazeta.uz nashri xabar berdi. 

Diplomatik vakillik rahbari o‘zbek va tojik xalqlarining do‘stlik va qo‘shnichilik an'analari ko‘p asrli tarixga ega ekanligini ta'kidladi. 

"Qardosh O‘zbekiston hozirda o‘z tarixidagi yangi bosqichni boshdan kechirmoqda. Qo‘shnilarimizning bugungi kundagi barcha yutuqlari mamlakatning Birinchi Prezidenti Islom Abdug‘aniyevich Karimov nomi bilan chambarchas bog‘liq", - dedi Tojikiston elchisi. 

"Ishonchimiz komilki, ushbu qadimiy zaminda doimo tinchlik, barqarorlik va taraqqiyot hukm suradi", - qo‘shimcha qildi Sodiq Imomiy. U bugungi Tojikiston iqtisodiy, ijtimoiy hamda ma'naviy sohalarning har tomonlama rivojlanishiga yo‘naltirilgan dastur va strategiyalarni muvaffaqiyatli tatbiq qilayotganini ta'kidladi. 

"Albatta, bu yutuqlarni keng qamrovli xalqaro hamkorliksiz, xorijlik hamkorlar, eng avvalo qo‘shni davlatlarning qo‘llab-quvvatlashisiz tasavvur qilib bo‘lmaydi", - dedi diplomat.