«Yuventus» ikkinchi yildirki daromad ko‘rmoqda

Italiyaning «Yuventus» futbol klubi rahbariyati moliyaviy yil yakunlarini e'lon qildi. Jamoa bu yil 4,1 mln yevro foyda ko‘rishni uddalagan. Uning jami daromadi 387,9 mln yevroni tashkil etgan. Shunday qilib, «Yuventus»ning foydasi sezilarli o‘sgan. O‘tgan yili «keksa sinora» 348,2 mln yevro daromad, 2,3 mln yevro foyda ko‘rganini ma'lum qilgandi. 

2016/17 yilgi mavsumda «Yuventus» A Seriyasini 12 ochko bilan boshqarib borayapti. Uni bir ochkolik farq bilan «Napoli» ta'qib qilmoqda. «Yuventus» Italiya chempionatining to‘rtinchi turidan o‘rin olgan bahsda «Inter»ga 1:2 hisobida mag‘lub bo‘ldi.