AQShning Xyuston shahridagi otishmada kamida olti kishi yaralandi

AQShning Xyuston shahridagi otishmada kamida olti kishi yaralandi, deb xabar bermoqda KTRK.

Ma'lum qilinishicha, politsiya shahar janubi-g‘arbidagi supermarket yonida turgan avtomobilda otishma uyushtirgan merganni o‘ldirgan.

Xyuston shahri yong‘in xavfsizligidagilarning ma'lum qilishlaricha, yaralangan olti nafar kishi yaqin oradagi shifoxonaga olib ketilgan.

Politsiyaning xabar berishicha, tergov ishlari vaqtida yaqin ko‘chalardagi harakatlar to‘xtatilgan. Matbuot xizmati ma'lumotiga ko‘ra esa shubhali avtomobilni tekshirish uchun sapyorlar guruhi chaqirilgan.

Xabarlarga ko‘ra, o‘t ochgan shaxs afroamerikalik bo‘lib, revolver bilan qurollangan. Politsiyaning tasdiqlashicha, jinoyat sabablari aniq emas.