Moskva AQShning Suriya bo‘yicha muloqotga barham berish tahdidlariga javob berdi

Amerika hukumatining Suriya inqirozi bo‘yicha Moskva bilan hamkorlikka barham berishi terrorchilarga tuhfa bo‘ladi. Rossiya TIV rasmiy vakili Mariya Zaxarova shunday fikrni bildirgan.

Eslatib o‘tamiz, AQSh davlat kotibi Jon Kerri bergan bayonotga ko‘ra, Vashington Moskva bilan Suriyadagi inqirozga barham berishga qaratilgan muloqotga chek qo‘yadi. Shundan so‘ng, Oq uy matbuot kotibi Josh Ernest aytganidek, ikki mamlakat hamkorligi "kutilgan natijani bermagan".

Zaxarovaning xotirlashicha, Vashington uzoq vaqt Suriyada terrorchilarning mavjudligini inkor etib kelgan. 

"Agar Vashingtonning tahdidlari aniq qarorga aylansa, — Oq uy terrorchilarni o‘z panohiga olganiga shubha qolmaydi. Shu bilan terrorchilar ko‘chasida katta bayram boshlanadi", — deb yozgan diplomat Facebook sahifasida.

TIV vakilining qayd etishicha, AQSh oldin ham bir necha marotaba terrorchilarga "hadya"lar taqdim etgan. Xususan, Zaxarova Vashingtonning "Jabhat an-nusra" terrorchilik guruhini sodiq muxolifatdan ajrata olmayotganini fikrining isboti sifatida keltirgan.