OAV: WhatsApp, Viber va Telegram’dan foydalangan rossiyalik amaldorlar ishdan haydaladi

Rossiyalik amaldorlarga ishdagi ma'lumotlarni sertifikatga ega bo‘lmagan aloqa ilovalari — WhatsApp, Viber, Telegram’da muhokama qilish taqiqlandi. Bu haqda "Izvestiya" xabar bermoqda.

Ushbu qoidani buzgan amaldorga nisbatan intizomiy choralardan tortib, ishdan haydalishgacha bo‘lgan jazolar qo‘llaniladi.

Gazeta bergan ma'lumotga ko‘ra, ushbu qoidalarga amal qilishga bo‘lgan mas'uliyatni oshirish maqsadida ishga federal xavfsizlik xizmati jalb etilishi mumkin. Mazkur masalaga oid hujjat 2017 yilning birinchi kvartalida tayyor bo‘ladi.

"Izvestiya"ning ma'lum qilishicha, hukumat amaldorlarga ommaviy messenjerlarorqali shaxsiy masalalar bo‘yicha yozishma olib borishni taqiqlashni rejalashtirmagan.