Andijonda O‘zbekiston Respublikasi Prezidenti saylovida 2 million nafarga yaqin saylovchi ishtirok etishi kutilmoqda
“O‘zbekiston Respublikasi Prezidenti saylovi to‘g‘risida”gi Qonun hamda Markaziy saylov komissiyasining Asosiy tadbirlar dasturi, shuningdek, shaharlar va tumanlar hokimliklari va harbiy qism komandirlarining taqdimnomalariga muvofiq viloyat hududi bo‘yicha saylov uchastkalari tuzish to‘g‘risida qaror qabul qilindi.
Viloyatda umumiy saylovchilar soni bugungi kunda 1 mln 984 ming 247 nafarni tashkil etishi inobatga olinib, 773ta saylov uchastkasi tuzildi. Ularda saylovchilar soni 3000 nafargacha bo‘lishiga e'tibor qaratildi. Okrug saylov komissiyasining bu haqdagi tegishli qarori mahalliy matbuotda e'lon qilindi.
"Mazkur saylov uchastkalari markazi etib belgilangan va kelgusida ular faoliyat ko‘rsatadigan binolar viloyat hokimligining maxsus komissiyasi tomonidan o‘rganilib, belgilangan talablar asosida jihozlash ishlari davom etmoqda", deydi 2 – Andijon okrug komissiyasi a'zosi Shukurillo Ikromov.
Muxbir: Elmurod Ermatov, Andijon
Mavzuga oid
16:57 / 19.09.2024
Andijonda elektrdan noqonuniy foydalangan tadbirkordan 20 mln so‘m olgan ETK muhandislari ushlandi
10:00 / 13.09.2024
Xitoy Andijonda chiqindilardan energiya ishlab chiqarishni yo‘lga qo‘yadi
20:05 / 12.09.2024
Hududlarda tadbirkorlar quyosh panellarini o‘rnatishga majburlanmoqda. Vazirlik tomoshabinmi?
09:50 / 11.09.2024