Di Mariya: Agar finalda yana mag‘lub bo‘lsam, terma jamoadan ketaman

Argentina va PSJ yarim himoyachisi Anxel Di Mariya terma jamoadagi faoliyatini yakunlamoqchi bo‘lganligini ma'lum qildi. 

"Messi terma jamoadagi faoliyatini yakunlagani haqida e'lon qilganidan keyin, men ham shuni o‘ylab qoldim. Ketma-ket uchta finalda mag‘lub bo‘lish, umuman boshqa narsa. Men terma jamoadan ketishni o‘yladim, biroq rafiqam va otam bunday qilmaslikka ko‘ndirishdi. 

Avvalroq men psixologga murojaat qilmoqchi bo‘ldim, ammo buni o‘zim yengib o‘tishim kerakligini tushundim. Agar yana bir marotaba finalda mag‘lub bo‘lsam, terma jamoani tark etaman", - deydi Di Mariya TyC Sports nashriga bergan intervyusida.