AQSh Mo‘sulga hujum qilish maqsadida baza qurilishini boshlab yubordi

Amerikalik harbiylar IShID terrorchilik guruhi nazorat qilib turgan Iroqning Mo‘sul shahriga hujum qilishda tayanch bo‘ladigan baza qurilishini boshlab yuborishdi. Bu haqda 6 oktabr kuni Milliyet nashri xabar bergan.

Muhofaza punktlari Mo‘suldan 15 km. uzoqlikda bo‘ladi va hujum qiluvchi kuchlar uchun o‘ta muhim strategik vazifani o‘taydi. Kutilganidek, amerikalik jangchilar 10 oktabrdan so‘ng hujumga o‘tishadi.

Kurd komandirlaridan birining so‘zlariga ko‘ra, Mo‘sul uchun kechadigan janglar IShID bilan bo‘layotgan kurashda keskin burilish yasashi mumkin. Chunki ayni damda shahar jangarilar uchun muhim muhofaza punkti hisoblanadi.