Guruh peshqadami O‘zbekiston terma jamoasi bugun Eronga qarshi maydonga tushadi

Bugun, Jahon chempionati saralash bosqich o‘yinlarining navbatdagi tur uchrashuvlari o‘tkaziladi.

Jumladan, Osiyo qit'asida ham navbatdagi uchrashuvlarga start beriladi. “A” guruhida peshqadamlik qilayotgan O‘zbekiston terma jamoasi 6 oktabr sanasida o‘zining navbatdagi uchrashuvini o‘tkazadi. Bu safargi raqib – Eron terma jamoasidir. Chindan ham guruhning eng kuchli jamoalaridan biriga qarshi o‘yin bo‘lib o‘tadi.

Mazkur uchrashuv 18:00da “Bunyodkor” stadionida start oladi. Hozirda Samvel Babayan boshchiligidagi O‘zbekiston terma jamoasi o‘z guruhida 6 ochko bilan yetakchilik qilmoqda. Eron hisobida esa 4 ochko bor. Mazkur o‘yin oldidan terma jamoa tarkibida hech qanday yo‘qotishlar yo‘q. Odil Ahmedovning maydonga tushishi so‘roq ostida qolgan edi. Biroq u o‘yindan oldingi so‘nggi mashg‘ulotlarda ishtirok etdi. Shunday qilib, terma jamoa sardori Eronga qarshi o‘tkaziladigan uchrashuvda maydonga chiqish imkoniyatiga ega bo‘lmoqda. 

O‘zbekiston - Eron (18:00)

Hakamlar: Benjamin Uilyams, Devid Uelsh, Natan Makdonald. To‘rtinchi hakam – Jared Jillet (Avstraliya).