12 oktabr kuni O‘zbekiston Oliy Majlisi Senatining yettinchi yalpi majlisi ish boshlaydi

O‘zbekiston Respublikasi Oliy Majlisi Senati yettinchi yalpi majlisi 2016 yil 12 oktabr kuni soat 10:00 da Toshkent shahrida, Senatning majlislar zalida ochiladi. Bu haqda O‘zA xabar berdi.

"O‘zbekiston Respublikasi Oliy Majlisi Senatining a'zolari 2016 yil 11 oktabr kuni soat 9.00 dan 18.00 ga qadar O‘zbekiston Respublikasi Oliy Majlisi Senati binosining foyesida ro‘yxatga olinadi", deyilgan xabarda.

Joriy yilda 2 marta Oliy Majlis Senatining yalpi majlisi o‘tkazilgandi.

31 mart kuni beshinchi yalpi majlis, 24 avgust kuni oltinchi yalpi majlis ochilgan.

Ma'lumot uchun, shu vaqtga qadar Oliy Majlis Senati oktabr oyida yig‘ilishi kuzatilmagandi.