«O‘zbekiston» telekanalida «Tadbirkor davri» dasturi paydo bo‘ladi

O‘zbekiston Respublikasi Prezidentining 2016 yil 5 oktabrdagi «Tadbirkorlik faoliyatining jadal rivojlanishini ta'minlashga, xususiy mulkni har tomonlama himoya qilishga va ishbilarmonlik muhitini sifat jihatidan yaxshilashga doir qo‘shimcha chora-tadbirlar to‘g‘risida»gi farmonida O‘zbekiston Respublikasi milliy teleradiokompaniyasi tomonidan tadbirkorlik faoliyatiga doir yangi teledastur yaratish ham ko‘zda tutilgan edi. 

Ushbu hujjatga muvofiq, «O‘zbekiston» milliy teleradiokanalida «Tadbirkor davri» nomli ko‘rsatuv paydo bo‘ladi.

Interaktiv ko‘rsatuvlar turkumi aholi, birinchi galda tadbirkorlik subektlariga, tadbirkorlik faoliyatini yuritish va tashkil etish bilan bog‘liq jarayonlar xususida tushuncha beradi.