Ispaniyada minglab itlar hayvonlarni himoya qilish aksiyasida ishtirok etdi

Ispaniyada Madrid ko‘chalariga turli zotdagi va kattalikdagi itlar o‘z egalari bilan birga hayvonlarga nisbatan qattiqqo‘llikka qarshi norozilik aksiyasiga chiqdi. Bu haqda Associated Press axborot agentligi xabar bermoqda.  

Agentlikning ma'lum qilishicha, har yili o‘tkaziladigan bunday tadbir – "perroton" yoki "dogaton" hayvonlarga qattiqqo‘l munosabatda bo‘lish muammosiga e'tiborni qaratish va ularni boqib olishga qiziqishni uyg‘otishga qaratilgan.

Ispaniyadagi bu tadbir beshinchisi bo‘ldi.

Avvalroq Madridda buqalarni tahqirlashga qarshi ko‘p minglik norozilik namoyishi bo‘lib o‘tgandi.