Ruminiyadagi Drakula qasri 1948 yildan beri ilk marta mehmonlarni tunashga taklif qilmoqda

Turar joy ijarasi bilan shug‘ullanuvchi Airbnb servisi sayyohlarga Drakula qasri sifatida mashhur bo‘lgan Ruminiyadagi Bran qasrida tunashni taklif qilmoqda. Bu haqda Associated Press xabar bermoqda. Ushbu qasr hududida tunni o‘tkazishga 1948 yildan beri ilk marotaba ruxsat berilmoqda.

Airbnb aksiyasi doirasida ikki nafar g‘olib 31 oktabrdan 1 noyabrga o‘tar tunni qasrda o‘tkazishi mumkin bo‘ladi. buning uchun ular Drakula bilan shaxsiy uchrashuvda qanday suhbat bo‘lishini o‘zlari o‘ylab topishga to‘g‘ri keladi.

Mehmonlar uchun ekskursiya uyushtiriladi, shundan so‘ng sham yorug‘ligida mehmondorchilik bo‘ladi. So‘ngra Drakulaga taqlid qilgan holda qizil baxmal bilan qoplangan tobutga yotish taklif qilinadi. Buni istamaganlarga oddiy to‘shak beriladi. Sarimsoq va kumush taqinchoqlar taqiqlanadi.