AQSh koalitsiyasi Iroqda dafn marosimi ishtirokchilariga zarba berishga aloqadorligini rad etdi

AQSh koalitsiyasi Iroqdagi Dakuk shahriga zarba bermagan. Bu haqda koalitsiyaning "Matonatli qat'iyat" operatsiyasi vakili ma'lum qildi, deb xabar bermoqda RIA “Novosti” axborot agentligi.  

"Biz fuqarolar orasidagi qurbonlarni koalitsiyaning bu hududdagi biror-bir zarbasi bilan bog‘lay olmaymiz", deb aytdi koalitsiya vakili.

Uning aytishicha, koalitsiya bunday qurbonlarni minimallashtirishga harakat qiladi.

Avvalroq Rossiya mudofaa vazirligi rasmiy vakili Igor Konashenkov Dakukdagi tinch aholiga aynan koalitsiya samolyotlari zarba berganini ma'lum qilgandi.