FIFA JCh-2018 ramzi muallifiga qancha to‘ladi?

Tomsk universitetining grafik dizayn kafedrasi talabasi Yekaterina Bocharovaning ma'lum qilishicha, FIFA undan JCh-2018 rasmiy ramzi bo‘lmish bo‘ri Zabivaka uchun barcha huquqlarni sotib olgan.

«Menga 500 dollar to‘lashdi. Bo‘ri obrazi FIFA tomonidan muvaffaqiyatli qabul qilindi. U shu paytda hali tamomila tayyor emasdi.
Men o‘qituvchilarimga qoralamalarni keltirdim, ammo ular bu ishga uncha jiddiy yondashishmadi. So‘ngra men bilan faxrlanadigan bo‘lishdi.
Bolaligimdan multiplikatsiyaga, personajlar chizishga qiziqaman. Rejamda «Disney»da ishlash bor, – dedi Bocharova «Interfaks» nashriga bergan intervyusida.

Eslatib o‘tamiz, Zabivaka ismli bo‘ri Rossiyada o‘tadigan 2018 yilgi jahon chempionatining rasmiy ramzi deb topildi. U so‘rovnomada 52,8 foiz ovoz to‘pladi.