Avstraliyadagi suv arg‘imchog‘ida 4 kishi halok bo‘ldi

Avstraliyada attraksionda uchish vaqtida 4 kishi halok bo‘ldi. Bu haqida BBC xabar berdi. 

Baxtsiz hodisa mamlakatning eng yirik parki hisoblangan Dreamworld parkida sodir bo‘lgan. Ushbu parkda 50dan ortiq attraksion mavjud. Odamlar Thunder River Rapids suv attraksionida uchayotgan bo‘lishgan, u 1986 yilda ochilgan. 

Mana o‘sha arg‘imchoqning ko‘rinishi:

Manbaga ko‘ra, park xodimlari voqea sababini o‘rganish maqsadida huquq-tartibot organlari bilan hamkorlikda ish olib borishmoqda. 

Hozircha bu falokatning aynan qanday ro‘y bergani noma'lum. Dastlabki ma'lumotlarga ko‘ra, doira shaklidagi sol aylanib ketgan va yo‘lovchilarni ezib qo‘ygan.