Dubayda "jonli tabiat" uslubida savdo markazi barpo etiladi

BAAning Dubay amirligi dunyoda birinchi "jonli tabiat" savdo markazini barpo etishi rejasini e'lon qildi, deb yozmoqda The Gulf Today nashri.

Loyiha mualliflari savdo markazida atrof-muhitni saqlash, ekologik dizayn va tabiat bilan hamohang istiqomat qilish kabi g‘oyalarni mujassam etish niyatidalar.
 
Loyiha markazida bir qavatli bino, shuningdek, botanika bog‘i joylashtiriladi, uch yuz yillik daraxtlar ekiladi, yapon bog‘i, piyoda sayrlar uchun yo‘laklar barpo etiladi. Loyihaning umumiy maydoni e'lon qilinmayapti. Qurilish ishlari 2018 yilda yakunlanadi. 

Hisob-kitoblarga ko‘ra, mazkur savdo markaziga yiliga 12 mln kishi tashrif buyuradi.