Erdo‘g‘an Turkiyaning Suriyadagi harbiy amaliyotlari qay yo‘sinda davom etishini ma'lum qildi

Turkiya armiyasining Suriya hududida olib borayotgan jangovar amaliyoti Al-Bob olinganidan so‘ng, Manbij va Raqqa tomon davom ettiriladi. Bu haqda Turkiya prezidenti Rajab Toyyib Erdo‘g‘an bayonotidan iqtibos keltirgan holda Haberturk telekanali xabar qilmoqda. 

«Al-Bobni olganimizdan so‘ng, biz Manbij va Raqqa tomon yo‘l olamiz. Men bu harakatlarni AQSh prezidenti Barak Obama bilan kecha kechqurun o‘tkazgan telefon orqali muloqotimda muhokama qildim», — degan Erdo‘g‘an.