«Faxriy donorlar»ga pul mukofotlari beriladi

O‘zbekiston Respublikasi Vazirlar Mahkamasi «O‘zbekiston Respublikasi Faxriy donori»ga oid nizomga o‘zgartirish kiritishni ma'qulladi. Vazirlar Mahkamasi shu haqdagi qarorini 2016 yil 27 oktabr kuni qabul qilgan. Qarorning matni Lex.uz  saytida e'lon qilingan. 

Unga muvofiq, endilikda, 40 martadan ko‘p qon va uning tarkibiy qismlarini beg‘araz topshirgan (60 martadan ko‘p emas) donorlar ko‘krak nishoni bilan birga eng kam oylik ish haqining besh barobari miqdorida bir martalik pul mukofotlari ham oladi. 

Eslatib o‘tamiz, «faxriy donorlar» shuningdek, statsionar davolash-profilaktika muassasalarida (pullik shifoxonalar va bo‘limlardan tashqari) bepul ovqatlanishlari ham mumkin.