Filippindagi shaharlardan birining sobiq meri turmada otib tashlandi

Foto: © EPA

Filippinning Albuera shahri sobiq meri Rolando Espinoza politsiyachilar tomonidan qamoq kamerasida otib tashlandi, deb xabar bermoqda xorijiy OAV.

Ma'lum qilinishicha, Espinoza giyohvandfurushlikka aloqadorligi uchun hibsga olingandi. Hozirda Filippinning yangi prezidenti Rodrigo Duterte boshchiligida mamlakatda giyohvandfurushlikka qarshi faol kurash ketmoqda. Ta'kidlanishicha, sobiq merning qotilligi Dutertening giyohvand moddalar sotishga aloqadorlikda gumon qilinganlarga qarshi kurash faollashishi ortidagi gapidan keyin yuz bergan.

Ayni vaqtda mamlakatda "giyohvand moddalarga qarshi urush" natijasida 4 ming kishi o‘ldirilgan.