Turkiyada islomdan qo‘rqishni targ‘ib qiluvchi kompyuter o‘yinlariga qarshi kurashiladi

Turkiya yoshlar va sport vazirining ma'lum  qilishicha, vazirlik islomofobiya – islomdan qo‘rqishni targ‘ib qiluvchi kompyuter o‘yinlar tarqalishiga qarshi kurashadi. 

Vazirning aytishicha, bunday o‘yinlar haqida ma'lumot chop etiladigan maxsus sayt yaratilgan.

Bundan tashqari, foydalanuvchilar telefon qilib, islomofobiyani targ‘ib qiluvchi o‘yinlar haqida ma'lumot berishlari mumkin bo‘lgan "qaynoq" liniya ishga tushirilgan.

Bunday o‘yinlarni tarqatuvchi kompaniyalarga tegishli ogohlantirish yuboriladi.

Vazirning ma'lum qilishicha, bu muammoni yechish bo‘yicha ikki kunlik seminar tashkil etish rejalashtirilmoqda. Unda kompyuter o‘yinlari ishlab chiqaruvchilari va distribyutorlari, ota-onalar, ruhshunoslar, pedagoglar, jamg‘armalar va davlat tuzilmalari vakillari hamda foydalanuvchilar ishtirok etadilar.