Argentinalik sobiq tennischi ralli vaqtida avtofalokatga uchradi

Foto: twitter.com/FNeyra10

Jahon tennisining sobiq uchinchi raqamli tennischisi, argentinalik David Nalbandyan Argentina rallisida avtofalokatga uchradi. Ushbu holat tasvirlangan video Ney10 taxallusli foydalanuvchining tvitterdagi akkauntida chop etildi.

Argentinalik boshqarayotgan avtomobil trassa qismlaridan birida do‘nglikdan o‘tayotganda uchib ketib, to‘ntarilib ketgan. Tennischi jiddiy jarohat olmagan.

Nalbandyan tennischilik faoliyatini 2013 yilda yakunlagandan so‘ng motosport bilan shug‘ullanishni boshlagan. U 2014 yilda ralli poygalarida ishtirok etishni boshlagan.