Moskvada yog‘ingarchilik bo‘yicha bir asrlik rekord yangilandi

Moskva shahrida bir sutka mobaynidagi yog‘ingarchilik hajmi bo‘yicha 1910 yilda qayd etilgan natija yangilandi. Bu haqda, poytaxt Meteobyurosi TASS agentligiga ma'lum qilgan.

"7 noyabr kuni Moskvaning VDNX bekatida 18 mm yog‘ingarchilik bo‘ldi: kechasi 7 mmli qor, kunduzi asosan 11 mmli yomg‘ir yog‘di", - deb aniqlik kiritgan meteoxizmatda. 

"Avvalgi rekord 13,4 mm bo‘lib, u 1910 yilga tegishli", - deyishgan sinoptiklar. 

"Meteonovosti" sayti axborotiga ko‘ra, noyabr oyining ilk haftasida Moskvada bir oylik me'yorning deyarli yarmi yoqqan. 11 noyabrda shaharda yana qor yog‘ishi kutilmoqda.