Hillari Klinton bugun bayonot bermasligi mumkin

AQShda mamlakatning yangi prezidenti aniqlab olish bo‘yicha prezidentlik saylovlari bo‘lib o‘tdi. Unda, asosan, Respublikachilar partiyasi vakili Donald Tramp va Demokratik partiya nomzodi, sobiq davlat kotibi Hillari Klinton kurash olib bordi. 

So‘nggi ma'lumotlarga ko‘ra, respublikachilar vakili g‘alabani nishonlashga juda yaqin turibdi. Shunga ko‘ra, CNN telekanalining xabar qilishicha, Hillari Klinton bugun mahalliy vaqt bilan yarim tunda saylov natijasiga doir bayonot bermaydi. 

An'anaga ko‘ra, Saylovchilar kollegiyasining 270 nafar a'zosiga ega bo‘lgan nomzod g‘alaba qozongan hisoblanadi. Raqib tomon o‘z mag‘lubiyatini tan olib shu kuni bayonot beradi va g‘olibni qutlaydi.