Rossiyaliklarning eng muhim iqtisodiy muammosi ma'lum bo‘ldi
Rossiya banki rahbari Elvira Nabiullinaning ta'kidlashicha, stavkalarning haddan ziyod kamayishi inflyatsiyaning avjiga chiqishiga sabab bo‘lishi mumkin. Bu haqida TASS agentligi xabar berdi.
"Bir necha marotaba ta'kidlaganimdek, stavkalarni haddan tashqari tez pasaytirish, iqtisodiyotni arzon pullar bilan inflyatsiya qilish, tanlangan loyihalarning imtiyozli moliyalashtirilishi borasidagi g‘oyalar, bizning fikrimizcha, xavfli", - dedi Nabiullina.
Shuningdek u fundamental iqtisodiy tendensiyalarga asoslanmagan stavkalarning haddan ziyod tez pasayishi inflyatsiyaning avj olishiga olib kelishi mumkinligini qo‘shimcha qildi. Uning fikricha, stavkalarning bunday pasayishi biznes sharoitlarini yengillashtiradi, lekin shu bilan bir vaqtning o‘zida aholining qashshoqlashuviga olib kelishi mumkin.
"So‘rovnoma natijalariga ko‘ra, rossiyaliklar uchun inflyatsiya avvalgidek boshqa barcha muammolarni ortda qoldiradi. Yuqori inflyatsiya Rossiya biznesining raqobatbardoshligini ham pasaytiradi", - deya ta'kidladi Nabiullina.
Mavzuga oid
22:49 / 02.10.2024
Rossiyada migratsiya siyosati kuchaytirilmoqda
22:34 / 02.10.2024
Rossiyadan O‘zbekistonga neft tranziti miqdori oshdi
10:30 / 02.10.2024
BMT: Rossiya ukrainalik asirlarni shafqatsiz qiynoqlarga duchor qilmoqda
08:50 / 02.10.2024