AQSh davlat departamenti Qatarga qiruvchi samolyotlar sotishni ma'qulladi

AQSh Davlat departamenti Qatar amirligiga 72 dona F-15QA qiruvchi samolyotlarini sotish bitimini tasdiqladi. Uning qiymati 21 mlrd dollarni tashkil etadi, deyiladi mudofaa vazirligi harbiy hamkorlik boshqarmasi saytida. 

Xarid kelishuviga ko‘ra, qiruvchi samolyotlar o‘q-dori va qurol-aslahalar bilan ta'minlanadi, ularga texnik yordam ko‘rsatiladi va uchuvchilar tayyorlanadi. Biroq, F-15 qiruvchilarini yetkazib berish muddatiga oydinlik kiritilmagan. Bitimning umumiy qiymati 21,1 mlrd AQSh dollarini tashkil etgani xabar qilinmoqda. 

«Mazkur bitim, do‘stona mamlakat xavfsizligini takomillashtirish va muhim strategik munosabatlarni mustahkamlash bilan Qo‘shma Shtatlar tashqi siyosati va milliy xavfsizligini kuchaytiradi», — deyiladi boshqarma xabarida. 

Sentyabr oyida Kuvayt, Katar va Bahrayn AQShdan 8 mlrd dollar evaziga 81 dona qiruvchi samolyot xarid qilishi haqida ma'lumotlar paydo bo‘lgan edi.