Amudaryo ustidan O‘zbekiston va Turkmanistonni bog‘lovchi ko‘priklar bunyod etiladi

2017 yil boshida Amudaryo ustidan o‘tuvchi, O‘zbekiston va Turkmaniston transport magistrallarini bog‘lovchi avtomobil va temir yo‘l ko‘priklari foydalanishga kiritiladi.

Bu haqda Ashxabodda BMT boshchiligida o‘tayotgan barqaror transport bo‘yicha birinchi global anjumanda Turkmaniston prezidenti Gurbanguli Berdimuxamedov aytib o‘tdi, deb xabar berdi Turkmaniston davlat axborot agentligi.  

Berdimuxamedovning ta'kidlashicha, yangi ko‘priklar mintaqadagi eng yiriklari bo‘ladi va ikki davlat yo‘nalishida transport oqimlari harakatini ancha tezlashtiradi.