«Barselona» va «Real» «el-klasiko»dan oldingi mashg‘ulotlarni «Shapekoense»ni yod etish bilan boshladi

Ispaniyaning «Barselona» va «Real» jamoalari navbatdagi tur oldidan mashg‘ulotlarga kirishishdan avval bugun aviahalokat oqibatida qurbon bo‘lgan «Shapekoense» jamoasi futbolchilari xotirasiga 1 daqiqa sukut saqladi.

Shuningdek, «Barselona» hujumchisi Lionel Messi Medelindagi fojia yuzasidan hamdardlik bildirgan.

29 noyabrga o‘tar kechasi braziliyaliklar jamoasi Janubiy Amerika Kubogi finalida Kolumbiyaning «Atlektiko Nasonal» jamoasiga qarshi o‘yinga uchib ketayotib, aviahalokatga uchradi. Rasmiy ma'lumotlarga ko‘ra, samolyot bortida bo‘lgan 81 kishidan 6 kishi omon qoldi: bir yo‘lovchi, ekipajning 2 a'zosi va 3 futbolchi.