Saudiya Arabistoni Rossiyaning neft borasidagi taklifini qo‘llab-quvvatlamadi

Rossiya tomonidan neft olishni hozirgi darajada qoldirish haqida berilgan taklif OPeKning uni qisqartirish bo‘yicha rejalariga mos kelmaydi, tashkilot bunday kelishuvga erishilgach, Rossiya ham o‘zi tomonidan qazilma ishlarini kamaytirishi kerak, deb xabar berdi Saudiya Arabistoni energetika, sanoat va mineral resurslar vaziri Xalid al-Folih.

"RF barcha davrlarga qaraganda eng ko‘p miqdordagi neftni olmoqda. Fikrimcha, yuqori darajada to‘xtatib qo‘yish – OPeKning pozitsiyasiga to‘g‘ri kelmaydi. Bizning RF bilan muzokaralarimiz OPeKdan tashqarida bo‘lgan davlatlar tomonidan olinayotgan neft hajmini qisqartirish bilan bog‘liq", — degan al-Folih jurnalistlarga.

Uning ko‘rsatishicha, OPeK o‘z tarafidan aynan neft olish hajmini pasaytirishni rejalashtirmoqda va tashkilotga a'zo davlatlar bunday qisqartirishni adolatli tarzda bo‘lib chiqishni muhokama qilishmoqda.