O‘zbekiston TIVda AQSh va Kanadaning Buxoro yahudiylari kongressi prezidenti bilan uchrashuv bo‘lib o‘tdi

Anvar Ilyasov olgan surat

2016 yil 2 dekabr kuni O‘zbekiston Respublikasi Tashqi ishlar vaziri Abdulaziz Kamilov AQSh va Kanadaning Buxoro yahudiylari kongressi prezidenti Boris Kandovni qabul qildi. U 4 dekabr kuni bo‘lib o‘tadigan O‘zbekiston Prezidentining navbatdan tashqari saylovida xalqaro kuzatuvchi sifatida ishtirok etish uchun mamlakatimizga tashrif buyurgan, deb xabar qilmoqda TIV matbuot xizmati.

Suhbat chog‘ida O‘zbekiston-AQSh munosabatlari doirasida O‘zbekiston hamda AQSh va Kanadaning Buxoro yahudiylari kongressi o‘rtasida madaniy-gumanitar sohadagi hamkorlik yuzasidan fikr almashildi.