Keniyada politsiya norozi bo‘lgan shifokorlarga qarshi ko‘zdan yosh oqizuvchi gazdan foydalandi

Keniya politsiyasi kam oylik maoshlari va talabga javob bermaydigan mehnat sharoitlariga qarshi norozilik namoyishida ishtirok etgan shifokorlarni tarqatish uchun ko‘zdan yosh oqizuvchi gazdan foydalandi. Bu holat mamlakat poytaxti Nayrobi shahrida yuz bergan, deb xabar beradi Reyter agentligi guvohlarga tayanib.

Namoyishda qatnashgan tibbiyot xodimlari dushanba kuni sog‘liqni saqlash vazirligi binosi yonida yig‘ilishgan. Ular hukumatdan 2013 yilgi kelishuv shartlarini bajarishni va davlat tashkiloti shifokorlarining oylik maoshlarini oshirishni talab qilishmoqda.

Keniyadagi davlat kasalxonalarida ishlovchi amaliyotchi shifokor-farmatsevtlar va tish shifokorlari ittifoqi a'zolari poytaxtning boshqa qismiga yo‘l olishgan.